Tækið hlaðið
Notaðu alltaf upprunalegt hleðslutæki frá Sony og USB Type-C™-snúru sem ætluð er fyrir þína
gerð af Xperia™. Önnur hleðslutæki og snúrur geta lengt hleðslutímann, hugsanlega hleðst
tækið ekki eða það getur skemmst. Gættu þess að öll USB-tengi séu alveg þurr áður en USB
Type-C™-snúran er tengd.
Hleðslutæki sem stungið er í samband við rafmagnsinnstungu hleður tækið hraðar en
hleðsla gegnum tölvu. Hægt er að nota tækið á meðan það er í hleðslu.
Ef rafhlaðan var tóm geta liðið allt að 30 mínútur þangað til tækið bregst við hleðslunni. Á
meðan getur skjárinn verið alveg svartur án þess að sýna hleðslutáknið. Athugaðu að það
getur tekið allt að fjórar klukkustundir að fullhlaða alveg tóma rafhlöðu.
Tækið er með innbyggða, endurhlaðanlega rafhlöðu sem aðeins heimilaður
viðgerðarþjónustuaðili Sony getur skipt um. Þú ættir aldrei að reyna að opna eða taka tækið í
sundur sjálf(ur). Það getur valdið skemmdum og fellt ábyrgðina úr gildi.
Tækið hlaðið
1
Stingdu hleðslutækinu í rafmagnsinnstungu.
2
Stingdu öðrum enda USB Type-C™-snúrunnar í hleðslutækið (eða USB-tengið á
tölvunni).
3
Stingdu hinum enda snúrunnar í USB Type-C™-tengið á tækinu. Tilkynningaljósið
logar þegar hleðsla hefst.
4
Þegar tækið er fullhlaðið skaltu taka snúruna úr sambandi við símann með því að
toga hana beint út. Gættu þess að beygla ekki tengið.
Mikilvægt er að nota USB Type-C™-snúruna (sem fylgir með) þegar tækið er hlaðið þar sem
annars konar USB-snúrur geta skemmt tækið.
Ef rafhlaðan var alveg tæmd gætu liðið nokkrar mínútur áður en kviknar á tilkynningaljósinu og
hleðslutáknið birtist.
34
Þetta er internetútgáfa þessarar útgáfu. © Prentið aðeins til einkanota.
Tilkynningarljós fyrir hleðslustöðu rafhlöðu
Grænt
Rafhlaðan er í hleðslu og rafhlöðuvísirinn sýnir meira en 90%
Appelsínugult
Rafhlaðan er í hleðslu og rafhlöðuvísirinn sýnir minna en 90%
Rautt
Rafhlaðan er í hleðslu og rafhlöðuvísirinn sýnir minna en 15%